Phil Younghusband: "I wanted to win. I came from England and now, I'm here in the Philippines. And I feel everyone's support. It's like, I don't want to let them down," says Phil Younghusband after being eliminated from Celebrity Duets.
Naging emotional ang Fil-Brit soccer player na si Phil Younghusband nang ma-eliminate siya sa Celebrity Duets last Saturday, October 11. Silang dalawa ng fashion designer na si JC Buendia ang may pinakamababang text votes, pero si Phil ang hindi pinalad na mag-stay pa as contender.
Marami ang nagulat sa ipinakita ni Phil na pagiging emotional when he was voted out at hindi nga nito napigilan ang mapaluha. Kahapon, October 12, live na nag-guest si Phil sa sa Showbiz Central at ang nag-interview sa kanya ay si Raymond Gutierrez.
Tinanong ni Raymond si Phil kung bakit siya naging emotional nang matanggal siya sa contest.
"Nalungkot ako," simulang pahayag ni Phil sa baluktot pa rin niyang pagta-Tagalog. "I wanted to win. I came from England and now, I'm here in the Philippines. And I feel everyone's support. It's like, I don't want to let them down."
Posible kaya na kaya naging emosyunal si Phil ay kung sa soccer ay sanay siyang nananalo, pero sa pagkanta ay hindi ganun ang nangyari.
"Hindi, hindi... Kasi I don't want to let people down," ulit niya. "And I miss singing. I love singing. Before, I never sang; now I'm singing every day, araw-araw."
Ano naman ang immediate plans ni Phil? Is he going back to England o ipu-pursue niya ang singing?
"Now, I'm gonna spend a month here because I got some projects coming up. Gusto ko, I'll spend Christmas in England. Kasi gusto ko, malamig. Malamig ang Christmas dun. Pero babalik ako."
Will he join showbiz?
"Hindi ko alam," nakangiti niyang sabi.
Tinanong siya ulit ni Raymond kung gusto niyang pumasok sa showbiz.
"Maybe, maybe... Hindi ko alam," sagot ni Phil.
Sa huli, nagbigay ng mensahe Phil kung sa mga taong bumoto sa kanya at gayundin mga natitirang contenders ng Celebrity Duets.
"Maraming salamat po for voting for me, for all the support. For all the good feedback. I love everyone. I love the Philippines. I want to be back. And I want to make people masaya."
No comments:
Post a Comment